bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

tum poochho aur main na bataaun aise to haalaat nahin ek zaraa sa dil toota hai aur to koi baat nahin

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaayad mujhe kisi se mohabbat nahin hui lekin yaqeen sab ko dilaata raha hooñ main

gul sa tu teraa saath KHushboo sa haath men teraa haath KHushboo sa ho ke tujh se juda bhatkata hooñ gul se bichhdi anaath KHushboo sa

mujh se do din alag rahi hai tu dekh to kaisi lag rahi hai tu ho gaya raakh jal ke main lekin dheere-dheere sulag rahi hai tu

is nadi kii jawaani girvi hai kya bahegi ravaani girvi hai doobi hai boond-boond karze men baandh men saara paani girvi hai

search karna hai mujhe be-kaar internet par dhadkano men apni meraa naam kar google kabhi

pahle KHud ko ek achchhii job ke qaabil karoon ghar khareedoo'n car luun phir pesh tujhko dil karoon tu koi exam hai kya paas karna hai tujhe tu koi degree hai kya padhkar tujhe haasil karoon