tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

murli chhooti shank baja raas tajaa phir yuddh saja kya peeche kya aage hai sab kuchh radhe radhe hai

ha men bhi waqt ne patthar sifat banaa daala humeen the mom kii soorat pighalne waale log sitam to ye ki hamaari safoon men shaamil hain charaagh bujhte hi KHema badlne waale log

vo kisi ko yaad kar ke muskuraya tha udhar aur main naadaan ye samjha ki vo meraa hua

vo jo KHvaab the mere zehan men na main kah sakaa na main likh sakaa ki zabaan mili to kati hui jo qalam mila to bika hua

muddaton b'ad muyassar hua maa ka aanchal muddaton b'ad ha men neend suhaani aayi