ham vo hain jo KHuda ko bhool ga.e tum meri jaan kis gumaan men ho

kyuuñ darein zindagi men kya hogaa kuchh na hogaa to tajurba hogaa

manzilen kya hain raasta kya hai hausla ho to fasla kya hai

us..ko fursat nahin milti ki palat kar dekhe ham hi deewane hain deewane bane rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

be-sabab marne se achha hai ki ho koi sabab doston cigarette piyo may-khwaariyaan karte raho

asar karti hai koi-koi baat aahista aahista samajh men aate hain kuchh mojazaat aahista aahista

lutf aata hai bahut soch ke mujh...ko ki raqeeb rangat-e-lab ko teri paan samjhte honge

ameer imaam ke ashaar apni palkon par tamaam hijr ke maare uthaaye firte hain

ab sulagti hai hatheli to khyaal aata hai vo badan sirf nihaara bhi to ja saka tha