tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham vo hain jo KHuda ko bhool ga.e tum meri jaan kis gumaan men ho

vo tire naseeb ki baarishen kisi aur chat pe baras gaiin dil-e-be-khabar mirii baat sun use bhool ja use bhool ja

jis taraf tu hai udhar hongi sabhi ki nazrein eed ke chaand ka deedaar bahaana hi sahi

kahaan aa ke rukne the raaste kahaan mod tha use bhool ja vo jo mil gaya use yaad rakh jo nahin mila use bhool ja

vo jo geet tum ne suna nahin meri umr bhar ka riyaaz tha mere dard ki thii vo dastaan jise tum hañsi men uda ga.e

sawaal ye hai ki aapas men ham milen kaise hamesha saath to chalte hain do kinaare bhi