tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaakhon se toot jaayen vo patte nahin hain ham aandhi se koi kah de ki auqaat men rahe

chaan dii sona ek taraf teraa hona ek taraf ek taraf teri aañkhen jaadu toona ek taraf

teri soorat se hai aalam men bahaaron ko sabaat teri aankhoñ ke siva duniya men rakha kya hai

aa ke nazdeek munh na fer ghazal paas aa baith thodii der ghazal sab tere noor se chamakte hain lafz misre khayal she'r ghazal

paanv men khankee chaan dii ho jaise usne munder faan dii ho jaise chat pe do pal milan judaai men dhoop men boonda-baan dii ho jaise

gul sa tu teraa saath KHushboo sa haath men teraa haath KHushboo sa ho ke tujh se juda bhatkata hooñ gul se bichhdi anaath KHushboo sa

chaand chehra mujhe qubool nahin ab samajhne men koi bhool nahin aankh bas aankh hi hai jheel nahin hont bas hont hi hain phool nahin

anokha shaKHs tha us se milaaya haath jab maine laga jaise ki us ki ungliyon men dil dhadakta tha