koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

ye mujhe chain kyun nahin padta ek hi shaKHs tha jahaan men kya

kya khabar kaun tha vo aur meraa kya lagta tha jisse milkar mujhe har shaKHs bura lagta tha

isi li.e to main roya nahin bichhadte samay tujhe ravana kiya hai juda nahin kiya hai

aa ke nazdeek munh na fer ghazal paas aa baith thodii der ghazal sab tere noor se chamakte hain lafz misre khayal she'r ghazal

gul sa tu teraa saath KHushboo sa haath men teraa haath KHushboo sa ho ke tujh se juda bhatkata hooñ gul se bichhdi anaath KHushboo sa

mujh se do din alag rahi hai tu dekh to kaisi lag rahi hai tu ho gaya raakh jal ke main lekin dheere-dheere sulag rahi hai tu

chaand chehra mujhe qubool nahin ab samajhne men koi bhool nahin aankh bas aankh hi hai jheel nahin hont bas hont hi hain phool nahin

is nadi kii jawaani girvi hai kya bahegi ravaani girvi hai doobi hai boond-boond karze men baandh men saara paani girvi hai