ham vo hain jo KHuda ko bhool ga.e tum meri jaan kis gumaan men ho

manzilen kya hain raasta kya hai hausla ho to fasla kya hai

us..ko fursat nahin milti ki palat kar dekhe ham hi deewane hain deewane bane rahte hain

ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

zindagi meri mujhe qaid ki.e deti hai is ko dar hai main kisi aur ka ho saka hooñ

agar saa.e se jal jaane ka itnaa khauf tha to phir sehar hote hi suraj ki nigahbaani men aa jaate

mere jism se vaqt ne kapde noch li.e manzar manzar KHud meri poshaak hua

shab ki aaghosh men mahtaab utaara us ne meri aankhoñ men koi KHvaab utaara us ne

ajeeb haalat hai jism-o-jaan ki hazaar pahluu badal raha hooñ vo mere andar utar gaya hai main KHud se baahar nikal raha hooñ