jab munderon se dhoop dhalti hai to kamii uski mujh...ko khalti hai jo hatheli pe apni likhti thii dosti pyaar men badalti hai

hazaar ishq karo lekin itnaa dhyaan rahe ki tum ko pahli mohabbat ki baddua na lage

hazaaron saal nargis apni be-noori pe roti hai badi mushkil se hota hai chaman men deeda-war paida

na shab-o-roz hi badle hain na haal achha hai kis brahman ne kaha tha ki ye saal achha hai

hazaaron mannaton par bhi koi bosa nahin milta kisi soorat men us kanjoos ke batue nahin khulte

ye jo deewaar andheron ne utha rakkhi hai meraa maqsad isee deewaar men dar karna hai

main ne ik shahar hamesha ke li.e chhod diya lekin us shahar ko aankhoñ men basa laaya hooñ

zindagi meri mujhe qaid ki.e deti hai is ko dar hai main kisi aur ka ho saka hooñ

waqt-e-rukhsat aab-deeda aap kyun hain jism se to jaañ hamaari ja rahi hai

aañsuon se likh rahe hain bebaasi ki dastaan lag raha hai dard ki tasveer ban jaayenge ham