koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye mujhe chain kyun nahin padta ek hi shaKHs tha jahaan men kya

mere jism se vaqt ne kapde noch li.e manzar manzar KHud meri poshaak hua

main ne ik shahar hamesha ke li.e chhod diya lekin us shahar ko aankhoñ men basa laaya hooñ

zindagi meri mujhe qaid ki.e deti hai is ko dar hai main kisi aur ka ho saka hooñ

jo bach ga.e hain charaaghh unko bachaaye rakho main chahta hooñ hawa se rishta banaaye rakho

ajeeb haalat hai jism-o-jaan ki hazaar pahluu badal raha hooñ vo mere andar utar gaya hai main KHud se baahar nikal raha hooñ