tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

kal us kii aankh ne kya zinda guftugoo kii thii gumaan tak na hua vo bichhadne vaala hai

jaane kis mod pe le aayi ha men teri talab sar pe suraj bhi nahin raah men saaya bhi nahin

chaman men rakhte hain kaañte bhi ik maqaam ai dost faqat gulon se hi gulshan kii aabroo to nahin

ye sard raat ye aawaargi ye neend ka bojh ham apne shahar men hote to ghar chale jaate