hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

achchhe she'r sunaane waale ladke sun achchhe shayar tanhaa hi rah jaate hain

tohfa phool shikaayat kuchh to lekar ja ishq se milne khaali haath nahin jaate

log toot jaate hain ek ghar banaane men tum taras nahin khaate bastiyaan jalane men

dhokha hai ik fareb hai manzil ka har khayal sach poochiye to saara safar waapsi ka hai

aañsu hamaare gir ga.e un ki nigaah se in motiyon ki ab koi qeemat nahin rahi

shab ko may khoob si pee subh ko tauba kar li rind ke rind rahe haath se jannat na gaii

lutate hain vo daulat husn ki baawar nahin aata ha men to ek bosa bhi badi mushkil se milta hai

aata hai jee men saaqi-e-mah-wash pe baar baar lab choom luun tira lab-e-paimaana chhod kar

tujh se sau baar mil chuke lekin tujh se milne ki aarzoo hai vahii