ham vo hain jo KHuda ko bhool ga.e tum meri jaan kis gumaan men ho

bas ye diqqat hai bhulaane men use uske badle men kis ko yaad karen

use kisi se mohabbat thii aur vo main nahin tha ye baat mujhse zyaada use rulaati thii

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

ab zaroori to nahin hai ki vo sab kuchh kah de dil men jo kuchh bhi ho aankhoñ se nazar aata hai main usse sirf ye kahtaa hoon ki ghar jaana hai aur vo maarnay marne pe utar aata hai

ye jhaank letii hai dil se jo doosre dil men meri nigaah men saara kamaal dard ka hai

hai kisi zaalim urdu ki ghaat darwaaze men hai ya masafat hai nayi ya raat darwaaze men hai jis tarha uthatii hai nazren be-iraada baar-baar saaf lagta hai ke koi baat darwaaze men

main be-khayaal kabhi dhoop men nikal aaun to kuchh sahaab mire saath saath chalte hain

har roz uthaata hooñ kisi KHvaab kii mayyat aur aap ye kahte hain ki maatam na karoon main ik shaKHs dikha do mujhe hansta hua dil se goya ki ye sab dekh ke bhi gham na karoon main

us ke baare men bahut sochta hooñ mujh se bichhda to kidhar jaayega