ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

kaisa dil aur is ke kya gham jee yuñ hi baatein banaate hain ham jee

tum un ke wa'de ka zikr un se kyun karo ghalib ye kya ki tum kaho aur vo kahein ki yaad nahin

uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

hamesha ik doosre ke haq men dua karenge ye tay hua tha milen ya bichhade magar tumheen se vafaa karenge ye tay hua tha

zindagi kya kisi mufalis ki qaba hai jis men har ghadi dard ke paivand lage jaate hain

ye aarzoo bhi badi cheez hai magar hamdam visaal-e-yaar faqat aarzoo ki baat nahin

bol ki lab azaad hain tere bol zabaan ab tak teri hai

ham shaikh na lider na musahib na sahafi jo KHud nahin karte vo hidaayat na karenge

unhin ke faiz se bazaar-e-aql raushan hai jo gaah gaah junoon ikhtiyaar karte rahe