ham vo hain jo KHuda ko bhool ga.e tum meri jaan kis gumaan men ho

gale milnaa na milnaa to teri marzi hai lekin tere chehre se lagta hai teraa dil kar raha hai

hamaare baad tere ishq men naye ladke badan to choomenge zulfen nahin sanvaarenge

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

ye aarzoo bhi badi cheez hai magar hamdam visaal-e-yaar faqat aarzoo ki baat nahin

qafas udaas hai yaaron saba se kuchh to kaho kahii to bahre-khuda aaj zikr-e-yaar chale

ik gul ke murjhaane par kya gulshan men kohraam macha ik chehra kumhala jaane se kitne dil naashaad hue

unhin ke faiz se bazaar-e-aql raushan hai jo gaah gaah junoon ikhtiyaar karte rahe

gulon men rang bhare baad-e-naubahar chale chale bhi aao ki gulshan ka kaarobaar chale