tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham vo hain jo KHuda ko bhool ga.e tum meri jaan kis gumaan men ho

bol ki lab azaad hain tere bol zabaan ab tak teri hai

zindagi kya kisi mufalis ki qaba hai jis men har ghadi dard ke paivand lage jaate hain

meri KHaamoshiyon men larzaan hai mere naalon ki gum-shuda awaaz

unhin ke faiz se bazaar-e-aql raushan hai jo gaah gaah junoon ikhtiyaar karte rahe

na jaane kis li.e ummeed-waar baitha hooñ ik aisi raah pe jo teri raahguzaar bhi nahin