shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

jitni duniya banaai hai usne ham to bichhde har ek duniya men

vo bhi toota hua tha aur ye bhi haari hui thii dono ik din mile the koi kahaanii hui thii

bahut se gham samet kar banaai ek diary chuvaav dekh raat bhar banaai ek diary ye harf harf lafz lafz qabr hai varq varq dil-e-hazeen se is qadar banaai ek diary

ab tere aañsu bahaane se nahin aayenge ham mohabbat men bulane se nahin aayenge hamse milnaa hai agar to yuñ hijaabo men na aa ham faqat haath dikhaane se nahin aayenge

jeet kar jis..ko sabhi kuchh pa liya main usii ki haar se mansoob hooñ