shaayad mujhe kisi se mohabbat nahin hui lekin yaqeen sab ko dilaata raha hooñ main

hui muddat ki ghalib mar gaya par yaad aata hai vo har ik baat par kehna ki yuñ hota to kya hota

tum poochho aur main na bataaun aise to haalaat nahin ek zaraa sa dil toota hai aur to koi baat nahin

tumhaari aankhoñ ki tauheen hai zara socho tumhaara chaahne vaala sharaab peeta hai

din dhal gaya aur raat guzarne ki aas men suraj nadi men doob gaya ham gilaas men

kitna sukoon hai teri baahon men jaan-e-jaan jee chahta hai main tujhe baahon men baandh loon

jitni duniya banaai hai usne ham to bichhde har ek duniya men

ab tere aañsu bahaane se nahin aayenge ham mohabbat men bulane se nahin aayenge hamse milnaa hai agar to yuñ hijaabo men na aa ham faqat haath dikhaane se nahin aayenge

ab dikhaate hain aaina mujh...ko betahaasha rulaane waale log

bahut se gham samet kar banaai ek diary chuvaav dekh raat bhar banaai ek diary ye harf harf lafz lafz qabr hai varq varq dil-e-hazeen se is qadar banaai ek diary