parinde hote to daali par laut bhi jaate ha men na yaad dilao ki shaam ho gaii hai

achchhe ho kar laut ga.e sab ghar lekin maut ka chehra yaad raha beemaaron ko

waqif kahaan zamaana hamaari udaan se vo aur the jo haar ga.e aasmaan se

hamaari hi tamannaa kyun karo tum tumhaari hi tamannaa kyun karen ham

mujh men itni nahin taaseer masihaai ki zakham bhar saka hooñ iisa nahin ho paaooñga

ye vahii hooñ main vo hi haara hua phir vahii din hai..wo guzaara hua kaise apni taraf chala aaya main kisi aur ka pukaara hua

vo jo paagal tha ab vo kaisa hai aise vo poochta hai haal meraa

jalte diye sa ik bosa rakh kar us ne chamak badha dii hai meri peshaani ki

mirii subh ka yoon bhi izhaar ho piyaala ho coffee ka akhbaar ho koi jurm saabit na ho uskaa phir jo teri hañsi men girftaar ho

gali men baithe hain uski nazar jamaaye hue hamaare bas men faqat intizaar karna hai