tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

ab main saare jahaan men hooñ badnaam ab bhi tum mujh...ko jaanti ho kya

kisi ko ghar se nikalte hi mil gaii manzil koi hamaari tarah umr bhar safar men raha

shaakhon se toot jaayen vo patte nahin hain ham aandhi se koi kah de ki auqaat men rahe

doosron par agar tabsira keejie saamne aaina rakh liya keejie

husn jab meherbaan ho to kya keejie ishq ke maghfirat ki dua keejie

ilaahi mire dost hon khairiyat se ye kyun ghar men patthar nahin aa rahe hain

raat baaki thii jab vo bichhde the kat gaii umr raat baaki hai

vahii phir mujhe yaad aane lage hain jinhen bhoolne men zamaane lage hain