shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kya khabar kaun tha vo aur meraa kya lagta tha jisse milkar mujhe har shaKHs bura lagta tha

sochun to saari umr mohabbat men kat gaii dekhooñ to ek shaKHs bhi meraa nahin hua

sehra se ho ke baagh men aaya hooñ sair ko haathon men phool hain mere paanv men ret hai

is li.e raushni men thandak hai kuchh charaaghon ko nam kiya gaya hai

guzar chuki julmate shab-e-hijr par badan men vo teergii hai main jal marunga magar chiraagon ke lo ko madhyam nahin karunga yah ahd lekar hi tujh ko saumpi thii maine kalbau nazar ki sarhad jo tere haathon se katl hogaa main us ka maatam nahin karunga

ye ek baat samajhne men raat ho gaii hai main us se jeet gaya hooñ ki maat ho gaii hai

main sukhun men hooñ us jagah ki jahaan saans lena bhi shayari hai mujhe