ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

shaakhon se toot jaayen vo patte nahin hain ham aandhi se koi kah de ki auqaat men rahe

sehra se ho ke baagh men aaya hooñ sair ko haathon men phool hain mere paanv men ret hai

main jis ke saath kaii din guzaar aaya hooñ vo mere saath basar raat kyun nahin karta

is li.e raushni men thandak hai kuchh charaaghon ko nam kiya gaya hai

yahii ek din bacha tha dekhne ko use bas men baitha kar aa rahe hain

teri tasveer hat jaayegi lekin nazar deewaar par jaati rahegi