koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

har ghadi kar rahi nazdeek bichhadne ke mujhe ghadi mujhse teraa chalna nahin dekha jaata

vo bas rasman le. leta hai raay meri karne us..ko hardam apni hoti hai

vo ghusse men seedhi baat nahin karta toofaanon men baarish tirchi hoti hai

inke sahaare kuchh naye se dhun banaaunga laaya hooñ uske paanv se ghunghroo nikaal kar

bataaya hai kisi ke ishq ne hamko ki duniya khoobsurat bhi ho sakti hai