koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

gale milnaa na milnaa to teri marzi hai lekin tere chehre se lagta hai teraa dil kar raha hai

sitam to ye hai ki vo bhi na ban sakaa apna qubool ham ne ki.e jis ke gham khushi kii tarah kabhi na socha tha ham ne qatil us ke li.e karega ham pe sitam vo bhi har kisi kii tarah

vo meherbaan hai to iqaar kyun nahin karta vo bad-gumaan hai to sau baar aazmaaye mujhe

sun liya kaise KHuda jaane zamaane bhar ne vo fasana jo kabhi hamne sunaaya bhi nahin

apne honton par sajaana chahta hooñ aa tujhe main gungunaana chahta hooñ

chalo achha hua kaam aa gaii deewaangi apni wagarana ham zamaane bhar ko samjhaane kahaan jaate