ik ajab haal hai ki ab us ko yaad karna bhi be-vafaaii hai

vo to khush-boo hai hawaon men bikhar jaayega mas'ala phool ka hai phool kidhar jaayega

udne do parindon ko abhii shokh hawa men phir laut ke bachpan ke zamaane nahin aate

poori kaaynaat men ek kaatil beemaarii ki hawa ho gaii waqt ne kaisa sitam dhaaya ki dooriyaan hi davaa ho gayeen

jab mohabbat bhar hawa men aankh ye likhne lagii nam hui poori fiza aur tum mujhe dikhne lagii

main to chaak pe kooza-gar ke haath kii miTTi hooñ ab ye miTTi dekh khilauna kaise banti hai

jagmagataa hua khanjar mire seene men utaar raushni le ke kabhi khaana-e-veeran men aa