shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

kisi gali men kiraye pe ghar liya usne phir us gali men gharo ke kiraye badhne lage

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

sabhi ka KHoon hai shaamil yahaañ ki miTTi men kisi ke baap ka hindustan thodii hai

mujhe pasand nahin aise kaarobaar men hooñ ye jabr hai ki main KHud apne ikhtiyaar men hooñ

tu kis ke kamre men thii main tere kamre men tha

KHvaahish sukhaane rakkhi thii kothe pe dopahar ab shaam ho chali miyaan dekho kidhar gaii

KHud-ba-KHud shaakh lachak jaayegi phal se bharpoor to ho lene do

aise dare hue hain zamaane ki chaal se ghar men bhi paanv rakhte hain ham to sanbhaal kar