gulaab KHvaab davaa zahar jaam kya kya hai main aa gaya hooñ bataa intizaam kya kya hai

main chahta hooñ mohabbat meraa vo haal kare ki KHvaab men bhi dobara kabhi majaal na ho

tumhaare naam ki har ladki se mila hooñ main tumhaara naam faqat tum pe achha lagta hai

maine usse pyaar kiya hai milkiiyyat ka daava nai vo jiske bhi saath hai main us..ko bhi apna maanta hooñ

nahin lagega use dekh kar magar KHush hai main KHush nahin hooñ magar dekh kar lagega nahin

khushbuon se naha ke chaand aaya kis qadar jagmaga ke chaand aaya bad-naseebi hai meri aankhoñ ki mask munh pe laga ke chaand aaya

ana ko apni samjhaana padega bulaati hai to phir jaana padega

unke bacche yuñ hi murjhaayenge baithe baithe ye jo mazdoor hain kya khaayenge baithe baithe

saKHtii thodii laazim hai par patthar hona theek nahin hindu muslim theek hai sahab kattar hona theek nahin

chhod kar jaane ka manzar yaad hai har sitam teraa sitamgar yaad hai apna bachpan bhool baitha hooñ magar ab bhi teraa rol number yaad hai