Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

pooch lete vo bas mizaaj mira kitna aasaan tha ilaaj mira

manzilen kya hain raasta kya hai hausla ho to fasla kya hai

kisi ko ghar se nikalte hi mil gaii manzil koi hamaari tarah umr bhar safar men raha

lagana baagh to us men mohabbat bhi zaraa rakhna parindon ke bina koii shajar poora nahin hota

dard men shiddat-e-ehsaas nahin thii pahle zindagi raam ka ban-baas nahin thii pahle

mere honton pe KHaamushi hai bahut in gulaabon pe titliyan rakh de

aadmi hota hai maahol se achha ya bura jaanwar ghar men rakhe jaayein to insaan se hain

tum ne sweater buna tha mire naam ka main bhi laaya tha kuchh sardiyaan jungli