gulaab KHvaab davaa zahar jaam kya kya hai main aa gaya hooñ bataa intizaam kya kya hai

na jee bhar ke dekha na kuchh baat ki badi aarzoo thii mulaqaat ki

main so raha hooñ tere KHvaab dekhne ke li.e ye aarzoo hai ki aankhoñ men raat rah jaa.e

garebaan chaak dhuaan jaam haath men cigarette shab-e-firaq ajab haal men pada hua hooñ

umr-e-daraaz maang ke laai thii chaar din do aarzoo men kat ga.e do intizaar men

kis kaam ki aisi sachchaai jo tod de ummeedein dil ki thodii si tasalli ho to gaii maana ki vo bol ke jhooth gaya

mohabbat wahin tak hai sacchi mohabbat jahaan tak koi ahad-o-paimaan nahin hai

kis ne bheege hue baalon se ye jhatka paani jhoom ke aayi ghatta toot ke barsa paani

jo dil rakhte hain seene men vo kaafir ho nahin sakte mohabbat deen hoti hai vafaa eimaan hoti hai

had se takraati hai jo shay vo palatti hai zaroor KHud bhi roenge gharibon ko rulaane waale