main us se ye to nahin kah raha juda na kare magar vo kar nahin saka to phir kaha na kare vo jaise chhod gaya tha mujhe use bhi kabhi KHuda kare ki koi chhod de KHuda na kare

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

aapki saada dili KHud aapki tauheen hai husn waalon ko zara maghroor hona chahiye

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

aarzoo jaam lo jhijak kaisi pee lo aur dahshat-e-gunaah gaii

kis kaam ki aisi sachchaai jo tod de ummeedein dil ki thodii si tasalli ho to gaii maana ki vo bol ke jhooth gaya

dost ne dil ko tod ke naqsh-e-wafa mita diya samjhe the ham jise khaleel kaaba usii ne dhaa diya

phir chahe to na aanaa o aan baan waale jhoota hi wa'ada kar le sacchi zabaan waale

vafaa tum se karenge dukh sahenge naaz uthaaenge jise aata hai dil dena use har kaam aata hai