kisi gali men kiraye pe ghar liya usne phir us gali men gharo ke kiraye badhne lage

dhoop men niklo ghataon men naha kar dekho zindagi kya hai kitaabon ko hata kar dekho

main chahta hooñ mohabbat meraa vo haal kare ki KHvaab men bhi dobara kabhi majaal na ho

kyuuñ darein zindagi men kya hogaa kuchh na hogaa to tajurba hogaa

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

na rakho kaan nazm-e-shairan-e-haal par itne chalo tuk meer ko sunne ki moti se piroota hai

shaam se kuchh bujha sa rehta hooñ dil hua hai charaaghh muflis ka

umr guzri dawaayein karte meer dard-e-dil ka hua na chaara hanooz

hamaare aage tira jab kisoo ne naam liya dil-e-sitm-zada ko ham ne thaam thaam liya

iqaar men kahaan hai inkaar kii sii khoobi hota hai shauq ghalib us kii nahin nahin par