ye alag baat ki KHaamosh khade rahte hain phir bhi jo log bade hain vo bade rahte hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

shaakhon se toot jaayen vo patte nahin hain ham aandhi se koi kah de ki auqaat men rahe

mere tohfon ne mohabbat ka bharam tod diya choodiyaan tang nikal aayi hain aur haar khule

is soch ka qabza mere idraak pe hona aflaak pe hone ke li.e khaak pe hona duniya mujhe pooche ki ye khushboo hai kidhar ki aur meraa khyaal aapki poshaak pe hona

tanqeed na taqraar badi der se chup hain hairat hai mere yaar badi der se chup hain goongon ko takalluq ke mawaaqe hain muyassar ham maahir-e-guftaar badi der se chup hain

pata karo ki mere saath kaun utara tha zameen pe koi akela nahin utarta hai