tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

us se kehna tha ke vo kitna zaroori hai mujhe aa raha hooñ abhii jis shakhs se jhagda karke

allah banaa de mire ashkon ko kabootar sab pooch rahe hain tire roomaal men kya hai

minnaten karta tha ruk jaao meraa koi nahin mere roke se magar kaun ruka koi nahin bewafaai ko badaa jurm bataane waale yaad hai tune bhi chal chhod hata koi nahin

ishq bhi apni hi sharton pe kiya hai main ne KHud ko becha nahin bazaar men sasta karke us se kehna tha ke vo kitna zaroori hai mujhe aa raha hooñ abhii jis shakhs se jhagda karke

ik zaraa baat par apne se paraaye hue log haay vo KHoon paseene se kamaaye hue log