tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi gali men kiraye pe ghar liya usne phir us gali men gharo ke kiraye badhne lage

ham vo hain jo KHuda ko bhool ga.e tum meri jaan kis gumaan men ho

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

bura ho aaiine teraa main kaun hooñ na khul sakaa mujhi ko pesh kar diya gaya meri misaal men

dost ahbaab se lene na sahaare jaana dil jo ghabraaye samundar ke kinaare jaana

she'r achchhe bhi kaho sach bhi kaho kam bhi kaho dard kii daulat-e-naayaab ko rusva na karo

bachpan men ham hi the ya tha aur koii vehshat sii hone lagti hai yaadon se

pas-manzar men feed hue jaate hain insaani kirdaar focus men rafta rafta shaitaan ubharta aata hai