koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye mujhe chain kyun nahin padta ek hi shaKHs tha jahaan men kya

tere kehne se ye jaadu nahin hone vaala ab sitaara koii jugnoo nahin hone vaala phir bhi betaab hooñ kitna main teraa hone ko jaanta hooñ ki meraa tu nahin hone vaala

na jaane kaun si aa.e sadaa pasand use so ham sadaaein badal kar sadaaein dete rahe

itnaa ooncha udna bhi kuchh theek nahin paaban dii lag jaati hai parwaazon par tujhko choo kar aur kisi ki chaah rakhe hairat hai aur laanat hai aise haathon par

logon ko us ka naam bataane se rah gaya ik lafz tha jo she'r men aane se rah gaya is baar bhi usii kii sooni us kii maan li is baar bhi main apni sunaane se rah gaya

yaqeen kar vo tire paas laut aayega jab us ka uthne lagega yaqeen logon se