sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

maana ki teri deed ke qaabil nahin hooñ main tu miraa shauq dekh miraa intizaar dekh

ye mujhe chain kyun nahin padta ek hi shaKHs tha jahaan men kya

kya khabar kaun tha vo aur meraa kya lagta tha jisse milkar mujhe har shaKHs bura lagta tha

apna pata mile na khabar yaar kii mile dushman ko bhi na aisi saza pyaar kii mile un ko KHuda mile hai KHuda kii jinhen talash mujh ko bas ik jhalak mere dildaar kii mile

jo ik KHuda nahin milta to itnaa maatam kyun yahaañ to koi mira ham-zabaan nahin milta

ek zakham aisa na khaaya ki bahaar aa jaati daar tak le ke gaya shauq-e-shahaadat mujh ko

bahaar aa.e to meraa salaam kah dena mujhe to aaj talab kar liya hai sehra ne

ab jis taraf se chahe guzar jaa.e kaarwaan veeraaniyaan to sab mire dil men utar gaiin