mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

tum bahut KHush rahogi mere saath vaise har ik ki apni marzi hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

suhaagan bhi bataa degi magar tum poochho vidhwa se ye mangalsutra zever ke alaava bhi bahut kuchh hai ye kya ik maqbare ko aakhri had maan baithe ho mohabbat sang-e-marmar ke alaava bhi bahut kuchh hai

bahut mazaak udaate ho tum ghareebon ka madad to karte ho tasveer kheench lete ho

KHuda kii us ke gale men ajeeb qudrat hai vo bolta hai to ik raushni sii hoti hai

ye shabnami lahjaa hai aahista ghazal padhna titli ki kahaanii hai phoolon ki zabaani hai

mohabbat ek KHushboo hai hamesha saath chalti hai koi insaan tanhaaii men bhi tanhaa nahin rehta

agar talash karoon koi mil hi jaayega magar tumhaari tarah kaun mujh ko chahega

patthar ke jigar waalo gham men vo ravaani hai KHud raah banaa lega bahta hua paani hai