shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

hazaar ishq karo lekin itnaa dhyaan rahe ki tum ko pahli mohabbat ki baddua na lage

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

patthar ke jigar waalo gham men vo ravaani hai KHud raah banaa lega bahta hua paani hai

saath sanduqon men bhar kar dafn kar do nafratein aaj insaan ko mohabbat kii zaroorat hai bahut

KHuda kii us ke gale men ajeeb qudrat hai vo bolta hai to ik raushni sii hoti hai

main tere saath sitaaron se guzar saka hooñ kitna aasaan mohabbat ka safar lagta hai

doosri koi ladki zindagi men aayegi kitnii der lagti hai us ko bhool jaane men