mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

dil na-umeed to nahin naakaam hi to hai lambi hai gham ki shaam magar shaam hi to hai

tum bahut KHush rahogi mere saath vaise har ik ki apni marzi hai

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

bahut mazaak udaate ho tum ghareebon ka madad to karte ho tasveer kheench lete ho

yahii hai zindagi to zindagi se KHud-kushi achchhii ki insaan aalam-e-insaaniyat par baar ho jaa.e

koocha-e-ishq men nikal aaya jis ko khaana-kharaab hona tha

ibtida vo thii ki jeena tha mohabbat men muhaal intiha ye hai ki ab marna bhi mushkil ho gaya

jahl-e-khird ne din ye dikhaaye ghat ga.e insaan badh ga.e saa.e

yuñ dil ko tadapne ka kuchh to hai sabab aaKHir ya dard ne karvat li ya tum ne idhar dekha