tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ham chahte the maut hi ham ko juda kare afsos apna saath vahaañ tak nahin hua

tere baghair bhi kahti hai mujh se jeene ko ye zindagi bhi sahi mashwara nahin deti

roomaal le liya hai kisi maah-jabeen se kab tak paseena ponchte ham aasteen se ye aañsuon ke daagh hain aañsu hi dhoyenge ye daagh dhul na paayenge washing masheen se

bas ek rasm-e-ta'alluq nibhaane baithe hain wagarana dono ke cup men zaraa bhi chaai nahin