chaan dii sona ek taraf teraa hona ek taraf ek taraf teri aañkhen jaadu toona ek taraf

ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

shaayad mujhe kisi se mohabbat nahin hui lekin yaqeen sab ko dilaata raha hooñ main

sab ke shaanon pe ek chehra tha jin pe soorat banii hui thii meri

mujhe pata hai ki barbaad ho chuka hoon main tu meraa sog manaa mujh ko sogwaar na kar

ek din meri KHaamushi ne mujhe lafz ki ot se ishaara kiya

kis shafqat men gundhe hue maula maa baap diye kaisi pyaari roohon ko meri aulaad kiya

uthaaye firta raha main bahut mohabbat ko phir ek din yoonhi socha ye kya museebat hai