vo afsaana jise anjaam tak laana na ho mumkin use ik KHoob-soorat mod de kar chhodna achha

baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

tujhko batlaata magar sharm bahut aati hai teri tasveer se jo kaam liya jaata hai

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

bahut mazaak udaate ho tum ghareebon ka madad to karte ho tasveer kheench lete ho

bas ab to daaman-e-dil chhod do bekar umeedo bahut dukh sah li.e maine bahut din jee liya maine

kis darja dilshikan the mohabbat ke haadse ham zindagi men phir koii armaan na kar sake

gar zindagi men mil ga.e phir ittifaq se poochhenge apna haal tiri bebaasi se ham

naala hooñ main bedaari-e-ehsaas ke haathon duniya mire afkaar ki duniya nahin hoti

un ke rukhsaar pe dhalke hue aañsu tauba main ne shabnam ko bhi sholon pe machalte dekha