sochun to saari umr mohabbat men kat gaii dekhooñ to ek shaKHs bhi meraa nahin hua

tere siva bhi kaii rang KHush nazar the magar jo tujhko dekh chuka ho vo aur kya dekhe

eed ka chaand tum ne dekh liya chaand ki eed ho gaii hogii

teri soorat se hai aalam men bahaaron ko sabaat teri aankhoñ ke siva duniya men rakha kya hai

chalti phirti hui aankhoñ se azaan dekhi hai main ne jannat to nahin dekhi hai maa dekhi hai

jis taraf tu hai udhar hongi sabhi ki nazrein eed ke chaand ka deedaar bahaana hi sahi

kahaan aa ke rukne the raaste kahaan mod tha use bhool ja vo jo mil gaya use yaad rakh jo nahin mila use bhool ja

vo tire naseeb ki baarishen kisi aur chat pe baras gaiin dil-e-be-khabar mirii baat sun use bhool ja use bhool ja

sawaal ye hai ki aapas men ham milen kaise hamesha saath to chalte hain do kinaare bhi

vo jo geet tum ne suna nahin meri umr bhar ka riyaaz tha mere dard ki thii vo dastaan jise tum hañsi men uda ga.e