tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

vo soorat dekh li ham ne to phir kuchh bhi na dekha abhii warna padi thii ek duniya dekhne ko

tum hi batlaao ki us kii qadr kya hogii tumhein jo mohabbat muft men mil jaa.e aasaani ke saath

thakna bhi laazmi tha kuchh kaam karte karte kuchh aur thak gaya hooñ aaraam karte karte

safar peeche ki jaanib hai qadam aage hai meraa main boodha hota jaata hooñ jawaan hone ki khaatir

mujhe KHaraab kiya us ne haan kiya hogaa usii se poochiye mujh ko khabar ziyaada nahin