main chahta hooñ mohabbat meraa vo haal kare ki KHvaab men bhi dobara kabhi majaal na ho

tumhaare naam ki har ladki se mila hooñ main tumhaara naam faqat tum pe achha lagta hai

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

teraa banta tha ki tu dushman ho apne haathon se khilaaya tha tujhe teri gaali se mujhe yaad aaya kitne taano se bachaaya tha tujhe

KHud bulao ke vo yuñ ghar se nahin niklega yahaañ inaam muqaddar se nahin niklega aise mausam men bina kaam ke aaya hua shaKHs itni jal dii tere daftar se nahin niklega

nataaej jab sar-e-mahshar milenge mohabbat ke alag number milenge tumhaari mezbaani ke bahaane koi din ham bhi apne ghar milenge

jo zaraa theek se kirdaar nigaari ho jaa.e ye kahaanii to haqeeqat pe bhi taari ho jaa.e tere haami hai so uth kar bhi nahin ja sakte jaane kis vaqt yahaañ raay-shumaari ho jaa.e

badi mushkil se neeche baithe hain jo tere saath uthte-baithe hain akelaa baithna hogaa kisi ko agar ham tum ikatthe baithe hain

yuñ na kar vasl ke lamhon ko havas se taabeer chand patte hi to tode hain shajar se main ne