ab hawaaein hi karengi raushni ka faisla jis diye men jaan hogii vo diya rah jaayega

juda hue hain bahut log ek tum bhi sahi ab itni baat pe kya zindagi haraam karen

jo tumhein manzil pe le jaayeñgi vo raahen alag hain main vo rastaa hooñ ki jis par tum bhatk kar aa gaii ho

agar hukoomat tumhaari tasveer chaap de note par meri dost to dekhna tum ki log bilkul fuzool-kharchi nahin karenge

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

zulm kii intiha burii hogii soch kar bas ye mar gaya koii

ye tumhein kya hua hai kya gham hai tum batao to aankh kyuuñ nam hai ek hi ghoont men shifaa hogii peeke dekho ye aab-e-zamzam hai

vo bade hi sakht tevar men dikha hai ishq ke bhi aaj fever men dikha hai ho gaii kafoor chehre ki kashish bhi hijr ka gham uske zevar men dikha hai

yuñ sitam usne maa pe dhaaya hai maa ke zevar hi bech aaya hai chaaploosi hai karta biwi ki aur maa ko faqat sataaya hai

pyaas bujhti nahin hont sukhe pade haal kya ho gaya gham ke bazaar men raat kattee hai bistar pe karvat men ab chain lootaa hai tu ne sanam pyaar men