Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

gale milnaa na milnaa to teri marzi hai lekin tere chehre se lagta hai teraa dil kar raha hai

ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

vo mere lams se mahtaab ban chuka hota magar mila bhi to jugnoo pakadne waalon ko

kis ne hamaare shahar pe maari hai raushni har ik makaan ke zakhm se jaarii hai raushni

tum to sar dii ki haseen dhoop ka chehra ho jise dekhte rahte hain deewaar se jaate hue ham

hamaare khauf se bazaar uchhalte hain jahaan bhar men sisakne se hamaare kaun si sarkaar girti hai

aap ki saada-dili se tang aa jaata hooñ main mere dil men rah chuke hain is qadar hushyaar log