ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

tum un ke wa'de ka zikr un se kyun karo ghalib ye kya ki tum kaho aur vo kahein ki yaad nahin

tumhaari aankhoñ ki tauheen hai zara socho tumhaara chaahne vaala sharaab peeta hai

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

vo mere lams se mahtaab ban chuka hota magar mila bhi to jugnoo pakadne waalon ko

kis ne hamaare shahar pe maari hai raushni har ik makaan ke zakhm se jaarii hai raushni

hamaare khauf se bazaar uchhalte hain jahaan bhar men sisakne se hamaare kaun si sarkaar girti hai

ham men jitne raam hain sab banvaas pe hain ham men jitne raavan hain sab raja hain

kuchh na tha mere paas khone ko tum mile ho to dar gaya hooñ main