shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

main jiske haath men ik phool deke aaya tha usii ke haath ka patthar meri talash men hai

marne waalon ko bhi milte nahin marne waale maut le ja ke KHuda jaane kahaan chhodti hai

ab isko apni haar kahooñ ya kahooñ main jeet rootha hua tha main vo manaa le gaya mujhe

main to ghazal suna ke akela khada raha sab apne apne chaahne waalon men kho ga.e

sach ghate ya badhe to sach na rahe jhooth ki koi intiha hi nahin