kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

main jiske haath men ik phool deke aaya tha usii ke haath ka patthar meri talash men hai

chahe sone ke fra men men jad do aaina jhooth bolta hi nahin

ab isko apni haar kahooñ ya kahooñ main jeet rootha hua tha main vo manaa le gaya mujhe

marne waalon ko bhi milte nahin marne waale maut le ja ke KHuda jaane kahaan chhodti hai

zindagi se badi saza hi nahin aur kya jurm hai pata hi nahin