tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

vo ek aks ki pal bhar nazar men thehra tha tamaam umr ka ab silsila hai mere li.e

zaraa chhua tha ki bas ped aa giraa mujh par kahaan khabar thii ki andar se khokhla hai bahut

Vo toot te hue rishton ka husn e aakhir tha

Phir na gunjaaish e yak sadma bhi ham tum men rahi

main hooñ aur waada-e-farda teraa aur ik umr padi ho jaise